Do i shiste online/ U kap duke transportuar mallra kontrabandë, arrestohet 31-vjeçari nga Kukësi (EMRI)

Policia ka arrestuar një 31-vjeçar në Kukës, pasi është kapur duke transportuar mallra kontrabandë.

Mësohet se ka rënë në pranga shtetasi Eltion Cenaj.

Ky i fundit është kapur në flagrancë, në vendin e quajtur “Ura e Drinit të Zi”, duke transportuar me një mjet tip furgon, mallra të ndryshme, të futura kontrabandë nga Kosova, duke shmangur detyrimet doganore dhe tatimore. Nga veprimet hetimore ka rezultuar se këto mallra do të shiteshin online, në qytete të ndryshme të vendit.

NJOFTIMI ZYRTAR I POLICISE

Kukës

Goditet një rast i tregtimit të mallrave kontrabandë.

Arrestohet në flagrancë 1 shtetas, për veprat penale “Kontrabanda me mallra të tjera”, “Tregtimi dhe transportimi i mallrave që janë kontrabandë” dhe “Fshehja e të ardhurave”.

Specialistët për Hetimin e Krimit Ekonomik dhe Financiar në Drejtorinë Vendore të Policisë Kukës, në vijim të punës për goditjen e paligjshmërisë, kanë goditur një rast të kontrabandës me mallra. Si rezultat u arrestua në flagrancë shtetasi Eltion Cenaj 31 vjeç, banues në Kukës.

Ky shtetas është kapur në flagrancë, në vendin e quajtur “Ura e Drinit të Zi”, duke transportuar me një mjet tip furgon, mallra të ndryshme, të futura kontrabandë nga Kosova, duke shmangur detyrimet doganore dhe tatimore. Nga veprimet hetimore ka rezultuar se këto mallra do të shiteshin online, në qytete të ndryshme të vendit.

Në cilësinë e provës materiale u sekuestrua automjeti, së bashku me mallrat.

Materialet i kaluan Prokurorisë pranë Gjykatës së Shkallës së Parë Kukës, për veprat penale “Kontrabanda me mallra tjera”, “Tregtimi dhe transportimi i mallrave që janë kontrabandë” dhe “Fshehja e të ardhurave”.

Drejtoria Vendore e Policisë Kukës do të vijojë punën për goditjen e paligjshmërisë, ndaj fton qytetarët e qarkut për të denoncuar çdo rast të paligjshmërisë në nr. 129, në aplikacionin “Komisariati Dixhital” ose në faqen zyrtare të Drejtorisë Vendore të Policisë Kukës, duke iu garantuar anonimatin dhe reagim të shpejtë e profesional.

Kukës, u arrestua shtetasi  Eltion Cenaj pasi u kap duke transportuar mallra te ndryshme, te futura kontrabandë nga Kosova,  duke shmangur detyrimet doganore dhe tatimore.