Basha e pranon hapur: Në 6 mars humba!  

Kryeopozitari Lulzim Basha më në fund ka pranuar humbjen e zgjedhjeve të pjesshme lokale të datës 6 mars. Teksa dilte nga selia blu, Basha ndaloi për të dhënë një prononcim për mediat, duke pranuar kështu për herë të parë deri më tani, se kishte humbur.

Procesin e nisur me takimet e zyrtarëve të tjerë të PD-së, kryedemokrati Basha tha se ishte reflektim për gjithë çfarë kishte ndodhur dhe se ishte gati për të marrë çdo vendim në të mirë të Partisë Demokratike. Mirëpo,  në momentin që iu përmend termi dorëheqje, Basha kërkoi që të mos paragjykohej asnjë vendim apo proces, duke kërkuar më shumë kohë.