Bardh Spahia fiton bashkinë e Shkodrës, lë pas kandidatin e Bashës dhe të Ramës

Bardh Spahia do të jetë kryetari i ri i bashkisë së Shkodrës.

Demokrati i cili në zgjedhjet e pjesshme të 6 marsit garonte nën siglën e koalicionit “Shtëpia e Lirisë” mbështetet dhe nga ish-kryeministri Sali Berisha.

Në këto zgjedhje, ai arriti që të mundte në garë dy rivalët e tjerë, Majlinda Angonin nga PS dhe Xhemal Bushatin nga Partia Demokratike.

Deri më tani, janë hapur 245 kuti votimi nga 250 kuti, ku rezulton se më së shumti vota ka siguruar kandidati i Shtëpisë së Lirisë, Bardh Spahia 19.976 vota, ndjekur nga kandidatja e PS, Majlinda Angoni me 18.029 vota dhe kandidati i PD, Xhemal Bushati me 7.565 vota.

Ndërkohë që numërohen edhe kutitë e fundit, mbështetës të Bardh Spahisë shfaqen entuziast, duke e pritur fitoren e tij me brohoritje dhe duartrokitje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern