“Asnjë të mos e bëjë gjumin të qetë” Ministri Manja paralajmëron këtë kategori zyrtarësh

Ministri i Drejtësisë Ulsi Manja ka dalë sot në një konferencë të jashtëzakonshme për shtyp.

Ai paralajmëroi se do të ketë një aksion tjetër në zyrat e Kadastrës në Shqipëri.

Sipas Manjës, asnjë zyrtar nuk duhet të bëjë gjumin e qetë, pasi do të jetë nën monitorim.

Deklarata e ministrit vjen një ditë pas operacionit në Kadastrën e Sarandës, ku u vunë në pranga katër zyrtarë.

“Asnjë zyrtar dhe ish zyrtar abuzues me detyrën nuk duhet të ndjehet si sigurt dhe ta bëjnë gjumin e qetë. Dua të falënderoj qytetarët që denoncojnë. Aksioni i djeshëm erdhi pas denoncimit të një qytetari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Denoncimet nuk duhet ti bëjnë pasi ata nuk zgjidhin hall por menjëherë pasi zyrtarët i shtyjnë në korrupsion. Nuk kemi mbaruar punë as me Kadastrën e Sarandë dhe as në të gjitha zyrat. Ka në proces një super hetim me të gjitha abuzimet me fokus të veçantë bregdetin. Dosja që shtrihet në kohë, kam parasysh jo vetëm periudhën e qeverisjes tonë, por që në momentet kur kanë filluar abuzimet me pronën. Në këtë hetim përfshihen zyrtarë dhe ish zyrtarë të Kadastrës. pas përfundimit të këtij hetimi rezultatet konkrete do të jenë në duart e SPAK.

Dua të jem i qartë ne emër të qeverisë e them sot çdo abuzues me pronën pavarësisht gradës që mban, çdo nënpunës që ofron një shërbim publik ndaj qytetarëve, do të përgjigjet dhe do të përballet me forcën e ligjit”, tha Manja.