Arrestohet çifti i të rinjve në Tiranë, morën peng 34-vjeçarin

Arrestohen dy të rinj në Tiranë.

Mësohet se një vajzë dhe një djalë kanë përfunduar në prangat e policisë, si autorët e një pengmarrjeje që ka ndodhur në kryeqytet.

Blutë bëjnë me dije se të arrestuarit janë shtetasja E. K., 26 vjeçe dhe P. Sh., 32 vjeç, që akuzohen për veprën penale “Heqja e paligjshme e lirisë”.

Këta shtetas, në bashkëpunim me njëri-tjetrin, në Laprakë, kanë marrë me forcë në automjet shtetasin A. S., 34 vjeç, tha policia duke mos dhënë detaje të tjera për motivin e konfliktit që ata kanë pasur me njëri-tjetrin.

NJOFTIMI ZYRTAR I POLICISE

Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasve E. K., 26 vjeçe dhe P. Sh., 32 vjeç, për veprën penale “Heqja e paligjshme e lirisë”.

Këta shtetas, në bashkëpunim me njëri-tjetrin, në Laprakë, kanë marrë me forcë në automjet shtetasin A. S., 34 vjeç.