Babë e birë janë arrestuar në Krujë pasi kishin krijuar një ‘shtëpi bari’ për të kultivuar kanabis. Ata kishin përshtatur stallën e bagëtive në fshatin Derven. Në total ata kishin kultivuar 316 vazo me kanabis për t’i rritur përmes llambave.
Në pranga përfunduan Llesh Luka, 57 vjeç dhe Ernest Luka, 24 vjeç. Gjatë aksionit janë sekuestruar shuma të konsiderueshme parash, 1.822.000 lekë dhe 37.000 euro, të dyshuara si të përfituara nga veprimtaria kriminale e kultivimit dhe trafikimit të lëndëve narkotike.
Materialet i kaluan Prokurorisë së Rrethit Gjyqësor Krujë, për hetime të mëtejshme, për veprat penale “Kultivimi i bimëve narkotike” kryer në bashkëpunim dhe “Vjedhja e energjisë elektrike”.
