Atentat në Lezhë/ Në shënjestër për herë të dytë një 43-vjeçar, policia nis hetimet (EMRI)

Një ngjarje e rëndë është denoncuar dje pasdite në Lezhë.

Bëhet fjalë për një atentat me armë zjarri.

Sipas policisë, të hënën rreth orës 14:15, shtetasi Aleksandër Deda, 43 vjeç, banues në Lezhë ka njoftuar se në afërsi të një lokali në dalje të qytetit të Lezhës është qëlluar me armë zjarri në drejtim të tij, i cili nuk ka marrë asnjë dëmtim.

Shërbimet e Policisë menjëherë kanë shkuar në vendngjarje dhe gjatë këqyrjes së vendit të ngjarjes dhe krehjes së zonës nuk kanë konstatuar gëzhoja.

Mësohet se Deda nuk është një emër i panjohur për blutë dhe mbrëmjen e 1 dhjetorit 2020 i është bërë një tjetër atentat, ku është qëlluar me breshëri automatiku dhe ka marrë 3 plumba në trup.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Grupi hetimor vijon punën intensive për zbardhjen e rrethanave të ngjarjes, si dhe për gjetjen dhe fiksimin e çdo provë që mund të çojë në identifikimin dhe kapjen e autorit/ëve. Policia ka shoqëruar disa persona.