LIGJET E BIZNESIT
Ka përfunduar takimi mes ministrit të Jashtëm rus Sergey Lavrov dhe homologut të tij ukrainas Dmytro Kuleba.
Në një konferencë të përbashkët për mediat, Lavrov hodhi akuza të forta në drejtim të zyrtarëve të lartë europian dhe BE duke thënë se kanë dorëzuar armë vdekjeprurëse në Ukrainë, të cilat mund të përdoren nga terroristë që mund të rrezikojnë civilët.
Ai shtoi se nuk e kishin sulmuar Ukrainën, duke nënkuptuar se gjithashtu se nuk do të ketë një armëpushim.
“Civilët e gjetën veten peng në të ashtuquajturit batalione vullnetare. Ata po përdoren si mbrojtje njerëzore. Marrëveshja për korridoret humanitare është në zbatim. Është gjetur rruga më efektivët për të larguar civilët. Ne ju kujtuam kolegëve tanë se në Bjellorusi pala ruse ofroi propozime korrekte, dhe pala ukrainase i mori këto ide. Duam të vazhdojmë marrëveshjen në territorin bjellorus.
Operacionet ushtarake, këto vlerësime bëhen nga ministria ruse e mbrojtjes. Operacioni ynë është në shënjestër. Ne shohim se sa e rrezikshme është kontakti i ndërkombëtarëve dhe BE që ka shkelur parimet ndërkombëtare, duke dorëzuar armë vdekjeprurëse në Ukrainë, duke përfshirë sisteme mbrojtëse që janë të zhvendosura dhe mund të përdoren nga terroriste që mund të rrezikojnë civilët. Këto sisteme antiraketore, ato ku përfundojnë? Duhet t’i bëhet kjo pyetje politikanëve europian. S’ka një përgjigje se si do ta kontrollojnë këtë, Kërcënimet ndaj civilëve do vazhdojnë, por do të përhapen dhe në Europë. Ne nuk kemi sulmuar Ukrainën. Ne ju kemi sqaruar juve se situata në Ukrainë ishte rrezik direkt për Rusinë.”, u shpreh Lavrov gjatë fjalës së tij.
