A do të largoheni nga Ukraina? Zelensky: Nëse unë iki do të jem gjallë, por jo më një njeri!

Në një intervistë televizive për Abc News, presidenti ukrainas ka deklaruar se “Unë jam një qytetar i shtetit tim, një president i zgjedhur në mënyrë legjitime”.

Perëndimi i ka ofruar Presidentit të Ukrainës që të largohet nga vendi, për shkak të pushtimit rus, por kjo është refuzuar nga ai.

Ai shtoi se nëse do të largohej nga Ukraina do të ishte gjallë, por “nuk do të ishte më një njeri”.

Po ashtu, Zelensky tha se Ukraina duhet të ketë një marrëveshje kolektive të sigurisë me të gjithë fqinjët e saj në të ardhmen.