A do të ketë mungesa në furnizimin me energji elektrike? E zbulon Balluku në mbledhjen e Komitetit

Ministrja e Infrastrukturës dhe Energjisë Belinda Balluku ka deklaruar sot se nuk do të ketë ndërprerje të furnizimit me energji elektrike.

Ajo u shpreh gjatë mbledhjes së Komitetit të Energjisë se pavarësisht vështirësisë së krijuar nga mungesa e reshjeve, qeveria do të vazhdonte të importonte energji elektrike duke mos ndërprerë furnizimin për familjet shqiptare.

Balluku: Energjia nuk do të mungojë për qytetarët. Qeveria ka marrë përsipër që të mbulojë shpenzimet e shtuara për shkak të importit për biznesin e vogël. Ne do të vazhdojmë të mbështesim këto biznese. Pavarësisht kushteve të motit, ne do të vazhdojmë të mos hasim mungesa në energjinë elektrike. Derisa në kaskadën e Drinit ne të kemi një nivel të ri të prurjeve, detyrimisht do t’u drejtohemi importeve.