Aktorja Monika Lubonja u komentua shumë për hyrjen e saj në spektaklin “Big Brother VIP”, nga ku u eleminua një puntatë para finales së madhe.
Por së fundmi, ajo ka reaguar pas thashethemeve ndaj saj se ishte pikërisht tradhëtia arsyeja e ndarjes me ish-bashkëshortin Genc Pasko, i cili nuk jeton më.
Artistja la të nënkuptohej në një rrëfim brenda shtëpisë më të famshme në Shqipëri se ishte tradhëtuar nga ish-zv.ministri i Turizmit.
Pasi lajmi u bë viral, reagoi në një koment në rrjetet sociale, miku i politikanit të ndjerë, i cili hodhi akuza të rënda ndaj aktores duke thënë se ishte pikërisht ajo që filloi me tradhtitë e njëpasnjëshme.
Gjatë një interviste pas daljes nga BBV, Monika Lubonja është shprehur se fjalët e saj janë shtrembëruar dhe ky është një thashethem skandaloz. Ajo u shpreh se nuk ka thënë në asnjë moment se ish-bashkëshorti e ka tradhtuar, duke theksuar se u divorcuan për shkak se nuk shkonin mirë me njëri-tjetrin.
Aktorja u shpreh se ka pasur marrëdhënie të shkëlqyer me Genci Paskon.
“Është totalisht shtrembërim. Është një thashethem skandaloz. U hodh nga Sheila një temë bisede: A do ta falni ju tradhtinë? Kur folën të gjithë banorët, fola dhe unë. Dhe unë kam thënë: “Nëse në një moment ti e do shumë një njeri, patjetër dhe mund ta falësh”.
Ky ka qenë sensi i bisedës, por nuk e kam pasur për ish-bashkëshortin tim. Kjo ka qenë një temë shumë e pisët që është luajtur nga njerëzit që kanë hedhur akuza mbi statusin tim. Unë kam pasur një marrëdhënie të shkëlqyer me bashkëshortin tim. Ne thjesht jemi divorcuar sepse nuk shkonim me njëri tjetrin dhe për mos të filluar këto problemet që dalin në çift dhe për vajzën tonë, për të qenë të ndershëm me veten, atëherë menduam për sa kohë marrëdhënia jonë nuk shkon divorci është zgjidhja më e mirë. Kemi qenë njerëzit më të shkëlqyer për sa i përket kësaj pikëpamje”, tha Monika Lubonja.
Në lajmin e postuar në Facebook-un, ka reaguar miku i të ndjerit Leandër P., i cili ka hedhur akuza të forta ndaj Monika Lubonjës, të cilën e quajti “femër të ulët”.
Në komentin e tij, ai shkruan se ishte pikërisht aktorja që filloi tradhtitë e njëpasnjëshme, por Genci nuk ndahej nga ajo për shkak se e donte.
Ndërsa shtoi se nëse ish-bashkëshorti e ka tradhtuar, “i ka bërë hakën se e ka merituar”.
Po si mund të flasësh kështu për të ndjerin mikun tim Gencin??
Po ti qenke vërtet një femër e ulët, një ndyrësi!! Po ti mendon se ne nuk e dimë se ishe pikërisht ti ajo që fillove nga tradhtitë e një pas njëshme???
Nuk dua të vazhdoj sepse përsëri dua të respektoj mikun tim të ndjerë por s’ke faj ti, ai miku ynë i ndjerë duhet të na dëgjonte kur ne i thoshim “O Genc po ç’a të lidh ty apo familjen tënde fisnike me Monikën o vëlla?”……….”Ehhhhh e dua Lando” thoshte i miri i shoqërisë.
Por edhe nëse të paska tradhtuar e ne nuk e kemi ditur………të ka bërë hakën se e ke merituar!!
