Pas përfundimit të seancës në Gjykatën Kushtetuese, ka ardhur dhe reagimi i presidentit Ilir Meta.
Pritet që brenda 30 ditëve të merret vendimi i arsyetuar për shkarkimin ose jo të Kreut të Shtetit.
Ndërkohë Meta ka treguar se hapat e radhës janë “padia për falsifikimin e provave nga Kuvendi, të depozituar në Gjykatën Kushtetuese pa asnjë lloj kërkese”.
Ndërsa paralajmëron se do të ketë edhe një komunikim me mediat, pasi “ky skandal shumë i rëndë, duhet të marrë menjëherë përgjigje ligjore!”.
REAGIMI I PLOTE
Sapo falënderova Bledin dhe Katrin, për përfaqësimin me dinjitet dhe profesionalizëm të Institucionit të Presidentit të Republikës.
I kërkova të përgatisin menjëherë padinë për falsifikimin e provave nga Kuvendi, të depozituar në Gjykatën Kushtetuese pa asnjë lloj kërkese.
Ky skandal shumë i rëndë, duhet të marrë menjëherë përgjigje ligjore!
Takohemi shumë shpejt në një komunikim me mediat!
