Rusia rrëzoi rezolutën e Shqipërisë për Ukrainën, ja 3 shtetet që abstenuan!

Rezoluta e paraqitur në Këshillin e Sigurimit 15 anëtarësh të OKB-së nga Shqipëria dhe SHBA-ja, u rrëzua me 11 vota pro, një kundër dhe tre abstenime.

Tre shtetet që abstenuan ishin Kina, India dhe Emiratet e Bashkuara Arabe. Dokumenti i nënshkruar nga Ambasadori i Shqipërisë në OKB, Ferit Hoxha dhe homologia e tij amerikane Linda Thomas-Greenfield, kishte për qëllim kryesor dënimin e sulmit, frenimin e tij por përmbante edhe një pikë për ndihma humanitare për Kievin.

Këshilli i Sigurimit i OKB-së votoi të premten mbi projekt-rezolutën që kërkonte tërheqjen e trupave ruse, edhe pse ishte parashikuar që masa të mos miratohej për shkak të vetos së Moskës.

Nisma mbështetej tek neni i shtatë i Kartës së OKB-së, që parashikon “veprim nga forcat ajrore, detare ose tokësore” për të ruajtur paqen dhe sigurinë ndërkombëtare.