Rusia pushtoi Ukrainën/ Vuçiç reagon për herë të parë, ja me kë pozicionohet presidenti serb

Serbia i ka ofruar mbështetje të plotë parimit të integritetit territorial të Ukrainës.

Kështu deklaroi presidenti i Serbisë Aleksandar Vuçiç.

Ai u shpreh se gjithashtu i vjen keq për konfliktin në Evropën Lindore, por shteti që përfaqëson udhëhiqet vetëm nga mbrojtje e interesave, kështu që ka vendosur të mos ndërmarrë sanksione ndaj Federatës Ruse.

“Serbia shpreh keqardhje sinqerisht për gjithçka që po ndodh në Evropën Lindore. Ne gjithmonë i kemi konsideruar si vëllezër popullin rus dhe ukrainas dhe Serbia gjithmonë ka respektuar të drejtën e shteteve për paprekshmëri të kufijve. “Një nga parimet bazë të vendit tonë është respektimi i integritetit territorial të shteteve të tjera sovrane”, lexoi Vuçiq në konkluzionet e arritura në seancën e Këshillit të Sigurisë Kombëtare. Ne kemi ndjekur gjithmonë një politikë të jashtme parimore dhe e kemi paguar shtrenjtë. Në përpjekje për të ruajtur integritetin tonë territorial, ne u sulmuam nga 19 vende të NATO-s në fund të shekullit të 20-të. “Në përputhje me politikën e saj të deritanishme, Serbia i ofron mbështetje të plotë integritetit territorial të Ukrainës”, theksoi Presidenti i Serbisë.

Parimi bazë i së drejtës ndërkombëtare është zgjidhja paqësore e problemit, tha Vuçiç dhe shtoi: “E udhëhequr nga parimet e saj, Serbia e konsideron shumë të gabuar cenimin e integritetit territorial të çdo vendi, përfshirë Ukrainën”.

Ai gjithashtu theksoi: “Serbia do të udhëhiqet nga mbrojtja e interesave të saj jetike, ekonomike nëse duhet të vendosë për vendosjen e sanksioneve kundër vendeve të tjera”. Republika e Serbisë beson se nuk është në interesin e saj jetik që të vendosë sanksione ndaj askujt, madje as ndaj Rusisë”.