“Rusia hambar i furnizimeve me lëndë të parë”, Tola: Kriza do të ndikojë në rritjen e çmimeve

Kriza Ukrainë-Rusi do të prekë të gjithë sektorët në do të ndikojë në të gjitha ekonomitë botërore, jo vetëm në Shqipëri. Kështu u shpreh në Business News me gazetaren Aurora Sulçe, eksperti për ekonominë Igli Tola, sipas të cilit sa më shumë zgjat lufta aq më tepër do të thellohet bilanci tragjik.

“Pasojat e para u ndjenë që në momentin që Biden paralajmëroi evazionin e trupave rus. U duken shenjat e para të goditjes. Që nga dita e djeshme pasojat ishin katastrofike, pasi shumë kompani ruse kishin pasoja. Rubla ruse ra, gazprom e bankat kryesore pësuan rënie drastike nga 30-50%. Një situatë kaosi e lufte ndikon në qëndrueshmëri. Këto janë pasojat fillestare nuk dihet se çfarë do të ndodhë dhe gjithçka është në amulli të plotë dhe kjo reflektohet në bursa. Sa më shumë zgjat lufta aq më tej thellohet bilanci tragjik i ekonomive dhe këtë e ndjejnë më shumë qytetarët në mbarë botën”.

Tola thekson se pasojat do të bien mbi qytetarët, pasi Rusia është hambari i furnizimit me lëndë të para si gazi, dridhrat, nafta dhe metalet.

“Ekonomitë janë të lidhura drejtpërdrejt me ekonominë ruse se është hambar i furnizimit me lëndë të para si gazi, nafta, dridhërat etj., metalet si alumini, titani. Ajo që po ndodh në Rusi do të prekë të gjithë sektorët dhe pasojat do të jenë të drejtpërdrejta”.A2