Presidenti i Ukrainës, Zelensky dhe ministri i Mbrojtjes, Oleksii Reznikov kanë postuar një foto ku duken të buzëqeshur duke dhënë sinjale pozitive për të gjithë rezistencën e popullsisë së Ukrainës.
Ministri Reznikov shkruan se, pas 85 orë mbrojtje nga ushtarët dhe bombardimet ruse, deri tani ia kanë dalë të mos e lëshojnë Kievin dhe se nuk do i ulin armët deri në fund.
“85 orë mbrojtje. Frikësimi i Ukrainës është i pavend. Është e pamundur të thyesh mbrojtësit tanë, për më tepër është e pamundur ta bësh Kievin të lërë armët. Kohët janë të vështira, por do të kalojnë. Nuk është shumë vonë”, shkruan ministri i mbrojtjes.
