Reagimi i shumë pritur/ Vuçiç reagon për Ukrainën: S’ka sanksione për Rusinë, por…

Presidenti serb Aleksandër Vuçiç iu drejtua popullit të tij pas seancës së Këshillit të Sigurisë Kombëtare, duke njoftuar vëndimet e tij në lidhje me konfliktin ruso-ukrainas.

Ai tha se Serbia respekton integritetin territorial të Ukrainës, por nuk do të vendosë sanksione ndaj Rusisë.

Duke lexuar konkluzat, Vuçiç tha se Serbia nuk do të vendosë sanksione ndaj Rusisë për momentin, sepse ajo “udhëhiqet nga interesat e saj jetike ekonomike dhe politike”.

“Serbia respekton normat e së drejtës ndërkombëtare, por Serbia gjithashtu i kupton mirë nevojat e saj dhe pavarësisht se çfarë do të donte dikush, Serbia ka interesat e saj jetike kombëtare dhe shtetërore. Ajo respekton miqësitë tradicionale”, tha ai.

“Në ditët e mëparshme u përpoqëm dhe arritëm të mbajmë një qëndrim të unifikuar për çështjen e krizës në Ukrainë, për çështjen e veprimeve tona, reagimin tonë dhe të gjitha veprimet që organet tona shtetërore duhet të ndërmarrin në periudhën e ardhshme”, tha Vuçiç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern