Radhë kilometrike në bankomate dhe karburante, ukrainasit të panikosur: Nuk dimë ç’do të ndodhë

Ukrainasit u zgjuan në luftë ditën e sotme. Rusia bëri realitet sulmin ndaj Ukrainës, teksa ishte paralajmëruar prej kohësh.

Gazetarët raportojnë se panë radhë të gjata në bankomate dhe në karburante, në qytetin Kostiantynivka në rajonin e Donetskut.

Ndërsa priste që të mbushte makinën e tij, Sergei Barleez tha se ishte gati largohej me familjen e tij për çdo rast. Gruaja e tij u ul në sediljen e pasme me djalin e tyre të vogël.

Një nënë e re e quajtur Natalia, me vajzën e saj 2-vjeçare në një karrocë fëmijësh ishte tronditur teksa na tha se kishte dëgjuar shpërthime gjatë natës.

“Është shumë e frikshme,” tha ajo. “Nuk e di se çfarë do të ndodhë më pas. Më thanë ta merrja vajzën nga kopshti dhe ta çoja drejt në shtëpi. U thanë të gjithë prindërve. Tani duhet të qëndrojmë brenda.”