Qeveria nuk u paguan orët e natës, zjarrfikësit në Durrës paralajmërojnë: Durimi ka kufij!

Zjarrëfikësit në Durrës prej kohësh ankohen se nuk po paguhen sipas ligjit dhe meritës që u takon. Nëpërmjet Sindikatës së tyre ata ngren shqetësimin se pagesat e tyre për turnet e natës nuk janë kryer. Në reagimin e tyre zjarrfikësit kërkoj që të zbatohet ligji pasi në të kundër doi të ndërmarrin hapa të tjera.

Postimi zyrtar:

“Durimi nuk mund të zgjasë përgjithmonë!

Nisur nga veprimet dhe mosveprimet e disa personave, të cilët vazhdojnë të punojnë në dëm të shërbimit zjarrfikës, që kthejnë dhe rikthejnë VKM-të, duke krijuar vonesa të pajustifikueshme në dëm të gjithë shërbimit zjarrfikës, Sindikata e PMZSH shpreh indinjatën më të madhe, indinjatë e cila përforcohet nga mungesa e të ardhurave financiare, të punonjësve të shërbimit zjarrfikës.

Një pakënaqësi është mos-pagesa e orëve të natës, megjithëse kjo kërkesë u kalua me aprovim në mbledhjen në Ministrinë e Brendshme. Por edhe mos-miratimi i VKM nr.350 nga qeveria, përbën një prej pakënaqësive të cilat nuk mund të anashkalohen më.

Na japin kafshatën e bukës, por na kanë marrë jetët peng! Theksojmë se kjo indinjatë, shumë shpejt do të ngrihet në një nivel tjetër!”