Banorër e “5 Majit” Janë mbledhur sërish në protestë para parlamentit, pasi kundërshtojnë shembjen e banesave të tyre.
Njëzëri, ata kanë kërkuar lirimin e 5 të arrestuarve nga policia. Nënë Liza, apeloi për lirimin e djalit të saj dhe 4 të arrestuarve të tjerë. Sakaq, ajo iu bëri thirrje qytetarëve që të marrin në dorë fatin e tyre.
“I bëj thirrje qeverisë, gjykatës, drejtësisë që të lirojnë fëmijët tanë. Unë e kam djalin në burg, ai është i sëmur, me tension. Unë kam vajtuar në shtëpi, si mund të rrijë nëna pa birin?! T’i lirojnë të arrestuarit. As në Afganistan nuk e kanë bërë kështu. I bëj thirrje rinisë, popullit shqiptar, që të hapi sytë dhe veshët, dhe të marrë në dorë fatin e këtij vendi”, tha ajo.
