Probleme shëndetësore, Emiljano Shullazi përfundon në spital

Emiljano Shullazi ka përfunduar në spital. Fast News Albania mëson se nën masa të rrepta sigurie dhe i shoqëruar nga forcat e RENEA-s, Shullazi është marrë nga qelia për tu dërguar drejt spitalit të burgut, pas shfaqjes së problemeve shëndetësore.  Përmendim që  Shullazi mbahej nën regjimin “41 bis”.

Së fundmi, Emiljano Shullazi ka kundërshtuar  sërish vendimin e  Gjykatës së Lartë për qëndrimin brenda izolimit “41 bis”, duke kërkuar ndryshim vendimi. Avokatët e kanë konsideruar këtë vendim si tepër të padrejtë për të burgosurin.

Shullazi dhe grupi i tij është dënuar me 55 vite burg në total, vendim i dhënë nga Gjykata për Krimet e Rënda. Ata e kanë apeluar këtë dënim, por ende nuk ka një vendim nga ana e Apelit. Për Shullazin dhe pjesëtarët e tjerë është vënë një vit afat për të qëndruar në qelitë e “41bis”.