Presidenti i Ukrainës ka pranuar se është ‘shënjestra numër një’ për vrasësit rusë, pasi pretendohej se ‘gjuetarëve’ çeçenë u është dhënë një listë e zyrtarëve ukrainas për ta vrarë.
Volodymyr Zelensky, 44 vjeç, iu drejtua kombit mbrëmjen e së enjtes , në fund të ditës së parë të pushtimit rus të vendit të tij.
Ish-komediani i televizionit këmbënguli se ai kishte mbetur në Kiev teksa u kërkoi bashkëqytetarëve të tij të qëndronin të fortë.
Ai u shpreh se po fliste nga Kievi, por eleganca e pallatit presidencial ishte zhdukur prej shumë kohësh: Zelensky, me bluzën e tij jeshile, dukej se po fliste nga një bunker.
“Unë e di se shumë keqinformime dhe thashetheme po përhapen tani”, u shpreh ai. “Në veçanti, pretendohet se jam larguar nga Kievi. Unë jam në kryeqytet, po rri me njerëzit e mi”, vijoi ai.
Presidenti u shpreh se familja e tij, gruaja e tij Oleana, një arkitekte dhe skenariste 44-vjeçare si dhe dy fëmijët e tyre vajza Aleksandra, 17 vjeç dhe djali Kiril, 9 vjeç, po ashtu nuk janë larguar.
