“Mos humbisni kohë” Me foton e Ramës dhe Bashës, Monika Kryemadhi ka një kërkesë urgjente për SPAK

Kryetarja e Lëvizjes Socialiste për Integrim Monika Kryemadhi ka publikuar fotografinë e shumëkomentuar të kryeministrit Edi Rama dhe liderit të Partisë Demokratike Lulzim Basha të cilët janë takuar bashkë me 17 maj 2017.

Ajo shprehet se ashtu si kjo datë kur Basha braktisi demokratët në çadër, ashtu edhe zhvillimet në komisionin hetimor parlamentar po duken fiks si një vazhdim i kësaj lidhjeje të veçantë e të fshehtë.

MESAZHI I PLOTE

Besoj e mbani mend 17 Majin kur Basha braktisi demokratët në çadër për të bashkëqeverisur me Ramën.

Zhvillimet në komisionin hetimor parlamentar po duken fiks si një vazhdim i kësaj lidhjeje të veçantë e të fshehtë.

Zbardhja e së vërtetës për inceneratorët nuk duhet të dështojë, siç dështoi mbrojtja e Teatrit Kombëtar.

Loja politike mes qeverisë dhe kunat-opozitës nuk duhet lejuar të deformojë drejtësinë e re!

Inkurajoj SPAK të veprojë mbi faktet pa humbur kohë! Këtu ndahet historia, duke treguar nëse jemi duke ndërtuar një shtet të së drejtës evropiane, apo drejt instalimit final të kapjes së shtetit, drejtësisë, opozitës.