LIGJET E BIZNESIT
Sekretari i Përgjithshëm i Partisë Socialiste Damian Gjiknuri është dëshmitari i rradhës që është pyetur sot në Komisionin Hetimor për Inceneratorët.
Ai ka mohuar gjatë fjalës së tij që të ketë udhëtuar me Klodian Zoton dhe videoja e publikuar ka nxitur edhe reagimin e Gazment Bardhit, i cili në një mesazh për kryetaren e Komisionit Jorida Tabaku, është shprehur se do të çojë të tjera prova në SPAK se ai ka udhëtuar me Klodian Zoton me të njëjtën makinë.
Gjiknuri: Janë deklaruar sikur kam udhëtuar private me të. Nuk e mohova që i njoh. Njoh shumë njerëz në jetë. Me vëllain tënd unë jam komshi, ca duhet të them. Jemi një vend i vogël. Nuk kam kthyer një udhëtim zyrtar. Jam në gjykatën e Tiranës duke ndjekur denoncimin për shpifje.
Tabaku: Më shkruan zoti Bardhi që e ke pasur shok në shkollë. Me ka nis edhe nje link dhe më thotë se do coj prova të tjera në gjykatë.
Gjiknuri: Rrethanat në jetë më kanë sjellë të punoj me të në vitin 2001 dhe nuk e kam patur shok shkolle. Kam pasur Lulzim Bashën shok shkolle në Holandë.
