Për momentin kalimi i dorëzimeve të administrimit të Chelsea nga miliarderi Roman Abramovich për të Fondacioni i bamirësisë së klubit ka mbetur në stand-by.
Sipas asaj që raporton BBC, mësohet se rezerva në lidhje me këtë lëvizje ende nuk është fshirë, pasi disa nga gjashtë profesionistëtkanë kërkuar garanci të qarta në lidhje me autonominë e tyre vendimmarrëse dhe gjithashtu duan të verifikojnë pasojat e mundshme ligjorë, në lidhje me rolin e ri brenda kompanisë.
Ndërkohë, sipërmarrësi, pronar i Blues që nga viti 2003, ka fluturuar drejt Bjellorusisë për të marrë pjesë në negociatat e paqes mes Rusisë dhe Ukrainës. Sipas Jerusalem Post, prania e tij është kërkuar nga Kievi, për të lehtësuar bisedimet me delegacionin e Moskës, që po mbahen në qytetin kufitar Gomel. Abramovich, i cili gjithashtu mban një pasaportë izraelite, ka lidhje si me komunitetin hebre rus ashtu dhe me atë ukrainas. Ambasadori ukrainas në Izrael, Yevgen Kornichuk, nuk e komentoi praninë e oligarkut në bisedime, por tha se vendi i tij “vlerëson këdo që mund të ndihmojë, nëse ata kanë ndikim të mjaftueshëm”.
Të shtunën, në prag të finales së Carabao Cup që Chelsea humbi me penallti ndaj Liverpool, Abramovich njoftoi se ai i kishte dorëzuar “administrimin dhe interesat” e klubit bordit që drejtonte Fonacionin e bamirësisë së lidhur drejtpërdrejt me Chelsean, pas pushtimit rus të Ukrainës. Pas dy ditësh, ky dorëzim ende nuk ka përfunduar zyrtarisht.
