“Më detyruan të punoj ”, i riu shqiptar kapet brenda shtëpisë së barit në Britani

Policia në Britani ka vënë në pranga një të ri 25-vjeçar shqiptar i cili është kapur brenda një shtëpie bari.

Mediat njoftojnë se i arrestuari është 25-vjeçari Elton Haizi. I riu në momentin që është përballur me efektivët anglezë, u përpoq të justifikohet se ishte i detyruar prej njerëzve të tjerë që të punonte në fabrikën e drogës.

Por oficerët e policisë i vërtetoi të kundërtën se ai ishte i lidhur me një grup krimit të organizuar që drejtonte kultivimin dhe trafikimin e kanabisit.

“Çdo dhomë në fabrikën e kanabisit ishte ndërtuar në mënyrë profesionale dhe të sofistikuar. Brenda ‘shtëpisë së barit’ janë gjetur 250 bimë të pjekura dhe me cilësi të lartë”, ka theksuar një nga oficerët anglezë pas bastisjes, shkruajnë mediat britanike.

I riu 25-vjeçar u justifikua se e kishin detyruar që të punonte në fabrikën e kanabisit por pasi hetuesit e krimit kibernetik rikuperuan telefonin e tij celular, faktet tregonin të kundërtën.