LIGJET E BIZNESIT
OKB raportoi së fundmi se rreth 422 mijë qytetarë janë shpërngulur nga Ukraina që prej nisjes së luftës me Rusinë. Zëdhënësja e Agjencisë së Refugjatëve në OKB Laura Paduan njoftoi se ukrainasit po largohen drejt vendeve fqinje. Midis të tjerash, 100 mijë banorë janë zhvendur brenda vendit. Po ashtu, ajo theksoi se ka raportime për persona të cilët po bllokohen për tu futur në trena.
Polonia është vendi i cili ka marrë më shumë refugjatë ukrainas (rreth 160 mijë), teksa pjesa tjetër janë shpërndarë në Hungari, Rumani, Sllovaki dhe Moldavi.
OKB sakaq ka paralajmëuar se Europa mund të përballet me një tjetër krizë refugjatësh duke theksuar se numri i qytetarëve të shpërnguluar nga Ukraina drejt vendeve europiane mund të shkojë në 4 milionë.
