Konflikti gati për një tjetër kthesë/ Pas kërkesës së presidentit të Ukrainës, Putini pranon negociatat për bisedime

Moska ka reguar pas thirrjeve për bisedime të presidentit të Ukrainës Volodymir Zelensky.

Zëdhënësi i Kremlinit Dmitry Peskoc, citohet të ketë thënë për mediat ruse se Vladimir Putin është gati të dërgojë një delegacion të zyrtarëve të rangut të lartë për bisedime me Kievin.

Sipas tij, takimi për negociata duhet të mbahet në kryeqytetin e Bjellorusisë, Minsk.

Më herët, Zelensky ftoi Putin për bisedime për zgjidhjen e konfliktit të përgjakshëm mes dy shteteve.

‘Përsëris thirrjen ndaj presidentit të Federatës Ruse. Po zhvillohen luftime në territorin ukrainas. Le të ulemi për bisedimet dhe t’i japim fund vdekjes së të pafajshmëve’, shprehet Zelenesky.

Mes të tjerash, presidentit ukrainas përsëriti reagimin e dobët të perëndimit, si dhe iu bëri thirrje qytetarëve të Europës të dalin në protesta të mëdha kundër kësaj lufte.