Kancelari gjerman, Olaf Scholz, thotë se Europa “nuk do të pranojë këtë shkelje të sovranitetit të Ukrainës”, pas sulmit të pabesë të Rusisë mëngjesin e 24 shkurtit.
“Me sulmin ndaj Ukrainës, Presidenti Putin dëshiron të kthejë kohën mbrapsht, por nuk kemi për t’u kthyer në shekullin XIX, kur fuqitë e mëdha vendosnin mbi kokat e shteteve më të vogla. Nuk do të kthehemi në kohën e Luftës së Ftohtë, kur superfuqitë ndanin botën mes tyre në zona influence”, tha ai në një dalje publike,
Scholz, ashtu si presidenti Biden tha se Bashkimi Europian është gati të vendosë sanksione të reja kundër Rusisë.
