Klitchsko jep lajmin e trishtë: Rusët vranë 35 qytetarë në Kiev, 2 ishin fëmijë

Forcat ruse vijojnë të përparojnë në territorin ukrainas me bombardime dhe ushtri tokësore. Gjatë natës ka pasur tensione e shpërthime të vazhdueshme, kryesisht në qytetet e cilësuara si strategjike nga rusët.

Në Kiev 35 persona duke përfshirë dy fëmijë janë vrarë në luftimet e ashpra gjatë natës sipas kryebashkiakut të qytetit, Vitali Klitchsko.

Nuk kishte detaje të mëtejshme, por në një raport të veçantë nga Reuters, duke cituar një këshilltar të ministrisë së brendshme, nuk kishte të vdekur në bllokun e apartamenteve që thuhet se u godit nga një raketë ruse.