LIGJET E BIZNESIT
Në kulmin e tensioneve të luftës, kanë nisur bisedimet mes delegacionave ukrainase dhe ruse.
Takimi po zhvillohet në Bjellorusi.
Delegacioni i Ukrainës përfshin disa zyrtarë të rangut të lartë, ndërsa presidenti Volodymyr Zelensky nuk ka marrë pjesë në bisedime.
Ukraina kërkoi një “armëpushim të menjëhershëm dhe tërheqje të trupave ruse” në fillim të takimit.
Ndërkohë, Moska dëshiron të arrijë një marrëveshje që do ishte në interes të të dyja palëve, sipas negociatorit rus, Vladimir Medinsky.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përpara fillimit të takimit, presidenti ukrainas Zelensky, u bëri thirrje trupave ruse të linin armët dhe ndërsa Bashkimit Europian i kërkoi të anëtarësim të menjëhershëm të Ukrainës në union.
Ulja në tryezë e dy delegacioneve, vjen në ditën e pestë të hyrjes së forcave ruse në Ukrainë. Bisedimet synojnë ndërprerjen e luftës.
Ministri i Jashtëm i Bjellorusisë, Vladimir Makei mirëpriti delegacionet, duke i siguruar se duhet të ndihen “plotësisht të sigurt”.
“Të dashur miq, Presidenti i Bjellorusisë më kërkoi t’ju uroj mirëseardhjen dhe t’ju siguroj gjithçka për punën tuaj, siç është rënë dakord me Presidentin Zelensky dhe Presidentin Putin. Këtu mund të ndiheni plotësisht të sigurt. Kjo është detyra jonë e shenjtë”, tha Makei, raporton CNN.
Më pas vazhdoi: “Presidenti Lukashenko sinqerisht shpreson se gjatë bisedimeve të sotme do të jetë e mundur të gjendet një zgjidhje për të gjitha çështjet e kësaj krize. Të gjithë bjellorusët po luten për këtë. Çdo propozim, në drejtim të organizimit të takimit të sotëm, do të shqyrtohet dhe do të përmbushet absolutisht. Ne presim me padurim rezultatet.”
Vendndodhja e saktë e vendit ku po zhvillohen bisedimet mes Rusisë dhe Ukrainës është mbajtur sekret për arsye sigurie.
Tryeza është mbledhur në Bjellorusi dhe raportohet se bisedimet po zhvillohen në brigjet e lumit Pripyat në rajonin Gomel.
