Keni plane për fundjavën? Ja çfarë parashikojnë meteorologët për 2 ditët në vazhdim

Për të gjithë ata që kanë bërë plane për fundjavën, sinoptikanët nuk kanë lajme të mira.

Mësohet se Shërbimi Meteorologjik Ushtarak bën me dije se Shqipëria pritet që të ndikohet nga kushte atmosferike të paqendrueshme.

Kjo për shkak të masave ajrore të lagështa me origjinë perëndimore.

Në këtë mënyrë për ditën e shtunë, moti parashikohet kryesisht i vranët por nuk do të mungojnë intervalet me kthjellime të herëpashershme.

Përkeqësimi i mëtejshëm i kushteve atmosferike pritet për ditën e Diel.

Moti parashikohet me alternime kthjellimesh e vranësirash deri të dendura. Vranësirat e dendura do të shoqërohen me reshje shiu të herëpashershme me intensitet të ulët deri mesatar në formën e shtrëngatave.

Për këto dy ditë era do të fryjë me drejtim kryesor verilindje – juglindje me shpejtësi mesatare 1-6m/s ndërsa përgjatë vijës bregdetare dhe lugina era fiton shpejtësi deri në 8-12m/s.