Këngëtarja Beatrix Ramosaj ka pohuar sot se është ndarë nga aktori Donald Veshaj, me të cilin u lidh brenda shtëpisë së “Big Brother VIP”.
Lajmi qarkulloi dhe dje, pasi ata nuk patën asnjë komunikim gjatë festës së produksionit, ku dhe qëndruan veçmas.
Këngëtarja postoi fillimisht një foto ku shkruante : “Mirëmëngjes o yje. Si fjetët?” më pas postoi një status ku shkroi “No fake story” ku i ka vënë kryq të kuq fjalës “No” dhe shton: “E rregullova”. Me këtë nënkupton se historia e tyre ka qenë false.
Kujtojmë se gjatë qëndrimit në ‘Big Brother VIP’ Donaldi i stampoi një bluzë ku shkruante “No fake stories” krah fotos së tyre. Po ashtu, fansat i kanë dërguar atyre një parashutë me këtë shkrim.
Ndërkohë, ajo po ashtu ka hequr Donaldin nga Instagrami dhe të njëjtën gjë ka bërë edhe vëllai i saj Albani. Ky i fundit dhe nëna e Beatrix postuan sot në Instastory një status ku shkruhej: “Mirëmëngjes vetëm Beatrix”.
