“Jam me lot në sy” Pas ndarjes nga Donaldi, Beatrix del me mesazhin e befasishëm

Prej kohësh flitet se çifti i krijuar në “Big Brother VIP”, Beatrix Ramosaj dhe Donald Veshaj janë ndarë.

Lajmi qarkulloi menjëherë pas përfundimit të spektaklit, pasi dyshja nuk u panë më bashkë.

Madje, ndarja u finalizua dhe me heqjen e ‘follow’-s nga të dy ata në “Instagram”. Por ditën e sotme, këngëtarja e njohur ka postuar në “Instastory” një dedikim për të gjithë ndjekësit e për të gjithë fansat që e kanë mbështetur atë gjatë kësaj periudhe, që besojmë se i referohet ndarjes nga Donaldi.

Ajo shkruan se është e bekuar për të gjithë ata që e kanë mbështetur.

“Dashuria dhe mbështetja që kam marrë nga fansat e mi është më shumë se ç’mund ta kisha imagjinuar ndonjëherë. Jam me lot në sy duke e ditur që njerëzve u intereson për mua. Nuk mendoja kurrë që do të kaloja këtë eksperiencë. Ju jeni njerëzit e mi të preferuar dhe ju më bëni të lumtur çdo ditë, e fakti që unë mund t’i bëjë të tjerët të lumtur më bën dhe mua të ndihem mirë. Ju dua vërtet shumë me gjithçka që kam, përgjithmonë”, shkruan në anglisht Beatrix.