Ish-asistente e Eduart Halimit/ Kush është noterja e arrestuar në Tiranë, jepte mësim dhe në universitet

Noterja Rezarta Koçi është arrestuar sot në Tiranë.

Ajo akuzohet për shpërdorim detyre dhe vjedhje.

Pak muaj më parë, noteres në fjalë i vendosën tritol në makinën e saj të tipit “Range Rover”.

Fatmirësisht në makinë nuk ndodhej askush dhe nuk pati të lënduar. Ngjarja ndodhi në zonën e “Komunës së Parisit”.

Rezarta Koçi është një emër i njohur pasi ka shërbyer si asistente e ish-ministrit Eduard Halimi dhe punon si pedagoge në një universitet privat.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ajo ka lindur më 31.10.1981 në Tiranë. Koçi është diplomuar nga Fakulteti i Shkencave Sociale, Universiteti i Tiranës në degën “Punë sociale”. Më pas ka përfunduar Fakultetin e Drejtësisë, Universiteti Justiniani. Krahas studimeve, znj. Koçi ka marrë pjesë në trajnime dhe aktivitete të shumta me fokus legjislacionin civil, të pronësisë, trashëgimisë, kontratave etj.

Nga viti 2005 deri në vitin 2008 ka punuar si asistente e Zv.Ministrit të Drejtësisë Eduard Halimi. Më pas pranë Avokatutës së Përgjithshme të Shtetit në periudhën 2008 – 2009, si dhe inspektore e profesioneve të lira në Drejtorinë e Inspektimit pranë Ministrisë së Drejtësisë në periudhën 2011 – 2013.

Prej vitit 2013 ushtron profesionin e noteres në zyrën e saj. Prej Janar 2020, znj. Koçi është pedagoge e jashtme pranë Fakultetit Juridik, Universiteti Europian i Tiranës.