Inteligjenca amerikane ka bërë së fundmi një paralajmërim të fortë.
Sipas këtij institucioni, kryeqyteti ukrainas do të bjerë në duart e Rusisë brenda pak ditësh.
Dy burime që citohen nga CNN thonë se vlerësimi fillestar i SHBA, para pushtimit parashikonte që Kievi do të pushtohej brenda 4 ditësh, pas sulmit. Këtij vlerësimi ata vazhdojnë t’i qëndrojnë ende.
Forcat ruse janë zhvendosur në 20 milje larg Kievit, thanë zyrtarë të lartë të administratës ligjvënësve në Capitol Hill të enjten mbrëma. Zyrtarët besojnë se Rusia është përballur me rezistencën më të ashpër nga forcat ukrainase sesa pritej.
CNN raportoi më parë se një zyrtar i lartë i mbrojtjes amerikane tha të enjten se Rusia “po bënte një lëvizje në Kiev”.
Zyrtarët e inteligjencës perëndimore vlerësojnë se plani i Rusisë është të rrëzojë qeverinë në Kiev dhe më pas të vendosë një qeveri miqësore me Rusinë, të kontrolluar nga Putin. Ndërkohë zyrtarët ukrainas janë zotuar se do t’i rezistojnë çdo pushtimi.
