Deputeti Alqi Bllako ka refuzuar të dëshmojë para Komisionit për Inceneratorët.
Ai ka thënë se ato çfarë di i ka thënë në SPAK dhe nuk ka pse të dëshmojë në komision.
Bllako: Jam pyetur nga SPAK. Jam në kushtet e pamundshmërisë për të dëshmuar për gjithçka që di në lidhje me këto procedura. Gjithçka përbën sekret hetimor. Prandaj nuk e kam marrë as shkresën me vete dhe nuk kam preferuar të kem më shumë detaje.
Jorida Tabaku: Ne këtu kemi vendosur një standart që të mos pengojmë hetimet. Për personat që ka një akuzë apo që janë thirrur me një status të veçantë, kemi pranuar vullnetin e tyre. Nuk ju detyrojmë të përgjigjeni. Patëm dhe zotin Subashi, ju përgjigj të gjitha pyetjeve dhe të njëjtën gjë duam të bëjmë me ju. Është i njëjti sttandart, ju pyes dhe ju përgjigjeni, nuk ju detyrojmë dot, por nuk mund të vini këtu dhe të bëni një deklaratë e të largoheni, pasi deklaratën mund ta bëni ku të doni
Alqi Bllako: Zoti Subashi është jurist, di ku vendosen vijat ndarëse, unë nuk jam dhe nuk dua të ngarkoj as veten time dhe as këtë komision.
Jorida Tabaku: Deklaratë këtu nuk bëni dot
Alqi Bllako: Unë do largohem, më lejoni të firmos dhe të largohem
Jorida Tabaku: Në këtë komision nuk bëni dot deklaratë, jashtë po, mund të thërrisni mediat.
