LIGJET E BIZNESIT
Kryeministri Edi Rama është pyetur nga një qytetar në lidhje me lajmin e fundit se në tregun e karburanteve është vënë re një rritje e ndjeshme e çmimit të naftës, e cila ka arritur pothuajse në 200 lekë për litër.
Teksa Rama nxjerr pjesëmarrjen e qytetarëve në Këshillimin Kombëtar një komentues i pyet: Pse nuk i pyet këta 71.923 qytetare në anketim në rast se duan apo jo tu reduktosh disa nga 7 taksat e përfshira ne çmimin e naftës?
Ndërsa Rama i përgjigjet se nuk janë 7 taksa, madje sipas tij disa vende që e kanë çmimin më të ulët taksat i kanë jashtë çmimit të karburantit, kështu që ai pretendon se kjo nuk do të ndikonte në xhepin e drejtuesve të mjeteve.
“Nuk ka 7 taksa ne cmimin e naftes e para dhe e dyta, vendet e tjera me te cilat krahasojne cmimet ata qe flasin per taksat, ato taksa i kane jashte cmimit, dmth o i paguan kur nget makinen o i paguan edhe po se ngave makinen, mjafton te kesh makine! Keshtu qe nuk do ndryshonte gje per xhepin e drejtuesve te automjeteve, sepse ato detyrime ne nje menyre a nje tjeter nuk hiqen”, u përgjigj Rama.
