Blogerja Armina Mevlani ka rrëfyer momentin kur e pa për herë të parë partnerin e saj, djalin e ish-kryeministrit Sali Berisha, Shkëlzenin.
Ajo vendosi ta tregonte historinë në programin “Goca dhe gra”, ku u trajtua dokumentari i gruas së Cristiano Ronaldos, Georgina Rodriguez.
Armina u shpreh se kur e ka parë Shkëlzen Berishën, nuk e ka ditur fare se kush ishte sepse nuk ishte rritur me një frymë politike në familjen e saj.
“Unë personalisht sa i përket lidhjes sime gjithmonë ka pasur tendencë që të gjykohej, diferenca e moshës, pozicioni ‘ajo ishte miss’. Unë kurrë nuk do të kisha nisur një lidhje nëse s’do ta doja shpirtëroren. Kur e kam parë, e kam pëlqyer, por se dija kush ishte se unë s’jam rritur me frymë politike, madje kur e kam parë sërish pyeta shoqen time kush është edhe më tha ‘fliste anglisht mos është i huaj’. Disa shikojnë udhëtimet e mia e mia dhe nuk e dinë se ato janë udhëtime pune. Unë kam punuar shumë, Dalina e di më njeh që unë kam qenë pjesë e medias që para se të njihesha me Shkëlzenin”, tha Armina.
