LIGJET E BIZNESIT
Michael Keaton ishte fituesi i çmimit SAG për performancën e jashtëzakonshme nga një aktor mashkull, ndërkohë që ka emocionuar të gjithë sallën me një fjalim shumë të ndjerë dhe emocionues.
Portretizimi me mjeshtëri i personazhit të tij në serialin tërheqës të Hulu, Dopesick i bëri të gjithë për vete, duke i fituar aktorit një çmim “Screen Actors Guild” për performancën e jashtëzakonshme nga një aktor mashkull.
Pas pranimit të çmimit nga Salma Hayek, Michael shpërtheu në lot duke kujtuar nipin e tij të ndjerë në një fjalim emocional.
Ndërsa Michael u ngjit për të marrë këtë çmim, ai e nisi fjalën e tij plot batuta e shaka duke e bërë të gjithë skenën të buzqëqeshë, por në momentin që të qeshurat u qetësuan, ai shprehu mirënjohjen e të qenurit pjesë e një produksioni, që sipas tij, krijon mundësi për mendime e përmirësime.
Në përfundim të fjalimit të tij, Michael Keaton tha dy fjalë lidhur me aktualitetin dhe padrejtësitë që po ndodhin aktualisht në botë, duke iu referuar luftës Rusi – Ukrainë. Kështu, ai përmendi “aktorin koleg” presidentin ukrainas Volodomyr Zelenskyy. Ai e vlerësoi atë për punën e tij të palodhur “duke luftuar bombardimet” përballë pushtimit rus të kryesuar nga Vladimir Putin./Ikonstyle.al/
