Rusia nuk mund të shpëtonte pa sanksione edhe në botën e futbollit.
FIFA ka vendosur sot heqjen e flamurit, himnit apo edhe emrit Rusia në ndeshjet e futbollit, masa që mund të përshkallëzojnë deri në përjashtim.
“Asnjë aktivitet ndërkombëtar nuk do të zhvillohet në territorin e Rusisë, me ndeshjet ”në shtëpi” që do të luhen në një fushë asnjanëse dhe pa spektatorë.
Anëtari i federatës që përfaqëson Rusinë do të marrë pjesë në çdo kompeticion nën emrin “Unioni i Futbollit të Rusisë” dhe jo Rusia.
Asnjë flamur apo himn kombëtar i Rusisë nuk do të përdoret në ndeshjet ku skuadrat nga Unioni i Futbollit të Rusisë marrin pjesë”, shkruhet në njoftimin e FIFA-s.
