“Ekip mercenarësh”/ Tifozët e PSG reagojnë keq ndaj Messit dhe gjithë të tjerëve

PSG fitoi mbrëmë ndaj Rennes 1-0 në minutën e 93-të falë golit të Mbappe. Por kjo fitore nuk ka ftohur situatën e tifozëve, ku këta të fundit janë ende të revoltuar me klubin.

Ultrasit parisien janë padyshim të pakënaqur me nënshkrimet e reja si Messi, Hakimi, Donnarumma, Sergio Ramos dhe Wijnaldum, pasi këta nuk po japin maksimumin në fushën e lojës.

Tifozët shpalosën një banderolë ku shkruhej “Ekip mercenarësh të paguar shumë dhe pa disiplinë”. Këto protesta vijnë katër ditë përpara ndeshjes ndaj Real Madrid në fazën e eliminimit direkt në Champions League./abcnews.al/