Kanceri është ndër sëmundjet më të përhapura në botë. Kështu, 2 shkurti njihet ndryshe si Dita Ndërkombëtare kundër Kancerit, për të ndërgjegjësuar njerëzit, parandaluar, zbuluar si dhe trajtuar këtë sëmundje të rëndë në kohë.
Organizata Botërore e Shëndetësisë herë pas here ka ngritur alarmin duke thënë se kanceri është një nga shkaktarët kryesorë të vdekjeve në të gjithë botën.
Për t’u kthyer pak pas në kohë, Dita botërore e kancerit ka nisur si fushatë globale që prej vitit 2000. Në kuadër të kësaj dite, zhvillohen qindra evente dhe projekte kudo në botë ku individë, komunitete dhe organizata nga spitalet, shkollat, bizneset, etj, bëjnë fushata për të përcjellë mesazhe për ata që vuajnë nga kjo sëmundje.
Por si mund t’i bashkoheni kësaj nisme?
- Online
Bashkojuni hashtagut #ËeCanIcan duke e shpërndarë në rrjetet tuaja sociale.
- Merr një moment për të menduar tamam
Kujto se në çfarë mënyrë kanceri ka ndikuar në jetën tënde dhe mendo çfarë mund të bësh ti për ta parandaluar apo luftuar ndikimin negativ të tij. Padyshim që mund të jetë një kontribut i vogël ndaj dikujt i cili po lufton me të, apo një takim tek mjeku për t’u kontrrolluar.
- Kujtohu
Kontakto një person që njeh apo të afërmit e tu që vuajnë apo kanë kaluar një betejë me kancerin.
Faktet që duhet t’i dini për kancerin
Mund të parandalohet. Një e treta e llojeve më të përhapur të kancerit mund të parandalohen dhe trajtohen. Kanceri është shkaku i dytë më i përhapur për vdekjet në të gjithë botën. 70% e vdekjeve që shkaktohen nga kanceri ndodhin në vendet me të ardhura të ulta.
Pse kjo ditë është kaq e rëndësishme?
Secili duhet të marrë kohën e tij për të kuptuar sesi shumë pak prej nesh mund të bëjnë diferencën dhe të kenë ndikim të madh pozitiv mbi dikë që po përjeton një luftë të tillë. Mbi të gjitha duhet të kujtoni se kanceri jep edhe shenja paralajmëruese. Bëni kontrolle rutinë tek mjeku pavarësisht se nuk keni komplikime shëndetësore.
