Këngëtarja Beatrix Ramosaj njoftoi ndarjen me aktorin Donald Veshaj vetëm katër ditë pasi ai doli nga shtëpia e “Big Brother VIP”.
Ky vendim erdhi pas ftohjes që dyshja shfaqi, ku u vu re dhe në festën e organizuar nga Top Channel, pasi nuk rrinin bashkë.
Beatrix u largua nga ambient pasi Donaldi këndoi këngën që i ka dedikuar ish-partneres, moderatores Bora Zemani.
Por së fundmi në rrjetet sociale po qarkullon një foto e cila hedh dyshime të forta në lidhje me ndarjen e çiftit që i shprehu dashurinë njëri-tjetrit gjatë kohës kur të dy ishin pjesë e Big Brother VIP.
Ditën e djeshme Trixa ka postuar një foto ku ishte veshur me një xhaketë gri që është shumë e ngjashme me atë që mbante Donaldi në natën finale dhe kjo ka bërë që ata të mendojnë se ata janë bashkë dhe e gjithë kjo ishte sa për famë.
Kujtojmë se Beatrix është e vetmja që ka reaguar në lidhje me ndarjen me Donaldin pasi i ka bërë “unfolloë” në Instagram ashtu si vëllait të tij Romeos.
