Aksident tragjik në Divjakë/ 18 vjeçari me “Benz” përplas për vdekje burrin

Një aksident me vdekje ka ndodhur mbrëmjen e sotme në Divjakë. Një 18 vjeçar me iniciale E. C., ka përplasur për vdekje një 56 vjeçari me iniciale A. G., i cili po udhëtonte me motomjet.

Drejtuesi i automjetit tip “Benz” pas aksidentit është larguar nga vendngjarja, ndërsa policia po punon për identifikimin dhe kapjen e tij.

Divjakë/ Informacion paraprak:

Sot rreth orës 19:20, në fshatin Shën e Premte, Divjakë, shtetasi E. C., 18 vjeç, duke drejtuar automjetin tip “Benz” ka aksidentuar shtetasin A. G., 56 vjeç, i cili po udhëtonte me një motomjet, dhe për pasojë ka ndërruar jetë.

Drejtuesi i automjetit tip “Benz” pas aksidentit është larguar nga vendngjarja por shërbimet e Policisë bënë identifikimin dhe kapjen e tij. Grupi hetimor po punon për zbardhjen e plotë të rrethanave të aksidentit.