Kryetarja e Komisionit Hetimor për Inceneratorët Jorida Tabaku, gjatë diskutimeve i kërkoi kryeministrit Edi Rama që të qetësohej dhe ti përgjigjej pyetjeve të saj.
Mirëpo shprehja “me qetësi” i kujtoi Ramës presidentin Ilir Meta.
Kreu i qeverisë i tha Tabakut se kështu deklaronte dhe Kreu i Shtetit kur ishte në stres, duke kujtuar frazën e famshme: Me qetësi dhe dashuri.
DEBATET:
Jorida Tabaku: Cili është përkufizimi që i jepni ligjit?
Edi Rama: Bëtë një koment për formimin. Jam i vetmi që mendoj se jam i vetmi pa titull, unë një bachelor të thjeshtë kam. Të paktën më respektoni.
Jorida Tabaku: Çfarë është ligji për ju?
Edi Rama: Zonja Tabaku, ju lutem garantoni dinjitetin dhe integritetin e qenies timë. Më thatë që përgjigjen ua thanë të tjerë. Duhet të kërkoni ndjesë!
Jorida Tabaku: Mos na mbani peng. Besoj që është e qartë për të gjithë mos na nxirrni nga objekti.
Edi Rama: Po e provoj ndryshe, unë iu kërkova ndjesë, tani kërkoj tuajën dua të fokusohemi këtu. Ka mundësi që të më jepni një ndjesë për cënimin e dinjitetit të dëshmitarit.
Jorida Tabaku: Zoti dëshmitar kërkoj ndjesë dhe tani kërkoj që t’i përgjigjeni pyetjes. 100 mln euro janë paguar nga buxheti i shtetit, 50 për djegësin. Dhe diferenca për të tjerët. Kërkoj të vazhdojmë pyetjet.
Edi Rama: Ndjesa juaj pranohet përzemërsisht. E kam ndjekur Komisionin me shumë interes. Në bashkëpunim me njëri-tjetrin ju garantoj që do të bashkoj…
Jorida Tabaku: Teknika të mos ma mbyllë mikrofonin.
Edi Rama: 100 mln euro të paguara nga buxheti janë fantazi e juaja. Buxheti ka paguar 30.6 mln për Elbasan dhe për Fierin. Nuk jam i fortë në artimetikë, por nuk po ua lë ju, bëjnë 55.3 mln. Se ku i gjeni 430 nuk i di? Do të qëndroj strikt, nuk do e nis ku e ka origjinën kjo aritmetikë më thoni ju janë 100 mln për Tiranën. Më jepni dokumentin. Habitem pse 100? Bëheni 1 mld. Se jemi përballë Pallatit të Kongreseve. Ajo quhet Original Sin (Mëkati fillestar). Ku e bazon? Më jep bazën?
Jorida Tabaku: Baza e 100 mln euro është thesari i buxhetit të shtetit. A ka mundësi me qetësi?
Edi Rama: Se mu bërë si Ilir Meta, futi dhe dashurinë të paktën. Se edhe ai kur kishte stres thoshte me qetësi me dashuri.
