“A do të rritet çmimi i energjisë?” Perëndimi i vuri saksione Rusisë, ja përgjigja që jep Edi Rama

Kryeministri Edi Rama ka garantuar se situata në Ukrainë dhe Rusi nuk do të ketë efekte shqetësuese për vendin. Në një konferencë për mediat, ndonëse dha këtë garanci, Rama u shpreh se efektet që do kenë sanksionet e vënë ndaj Rusisë në vendet e BE do të kenë një impakt në vendin tonë edhe pse jo të drejtpërdrejtë.

Me tej Rama tha se duke qenë se Shqipëria nuk e prodhon vetë plotësisht energjinë elektrike çmimet në tregjet ndërkombëtare   të energjisë do të ndikojnë po ashtu në vendin tonë.

A ka qeveria një plan për të mos lejuar rritjen e çmimeve jo vetëm të energjisë?

Besoj se duhet t’i referohemi me kujdes listës së sanksioneve. Ka specifika. Së dyti është e vërtetë që sanksionet e Shqipërisë janë irrelevante por sanksione po vendos e gjithë aleanca dhe s’ka diskutim që Shqipëria përqafon të gjitha vendimet e aleancës. Nuk do të kemi efekte shumë shqetësuese. Kjo është luftë. Shmë vende të BE kanë shumë aktivitet ndaj Rusisë. Këto shtrëngesa që do kenë ato do ndikojnë edhe tek ne.

Kur filluan muhabetet ne s’përdorim gaz, e prodhojmë energjinë vetë. E para ne nuk e prodhojmë energjinë  vetë. S’e ka bërë asnjëherë që nga dita e parë e demokracisë. E dyta ne blejmë në tregjet ndërkombëtare dhe ka rëndësi çmimi i tyre në tregjet ndërkombëtare. Ne e shesim lirë dhe e blejmë shtrenjtë. Këto e bëjnë Shqipërinë vunerabël ndaj konjekturës ndërkombëtare.