Zjarr në një pallat në Elbasan/ Tymi “pushton” apartamentin në katin e dhjetë

Kati i dhjetë i një apartamenti në lagjen “Aqif Pasha” në Elbasan është përfshirë nga flakët.

Shërbimi i MZSH-së Elbasan njoftoi se apartamenti është përfshirë nga zjarri rreth orës 13:30.

Flakët erdhën nga kaseta e automateve elektrike dhe ndërhyrja u bë me fiksa zjarri.

Raportohet se apartamenti u mbush me tym dhe nuk pati dëme të tjera. Në vendngjarje vajtën 2 mjete dhe katër zjarrfikës.