Tri toli në shtëpinë e Armand Dukës, arrestohet autori

Policia ka arrestuar  autorin e dyshuar për vendosjen e lëndës shpërthyese në shtëpinë e kreut të FSHF, Armand Dukës.

Ai është Arlen Hasanaj, 34 vjeç dhe rezulton të jetë pronari i një biznesi në Durrës.

Nga hetimet rezultoi se ai që vendosi dhe aktivizoi lëndën eksplozive pranë portës së oborrit të familjes Duka është fiksuar nga kamerat e sigurisë në rrugën paralele me portin duke hipur në një automjet tip ML të cilin e ka lëvizur pak metra.

I riu me kapuç është parë të futet edhe në një pallat në Durrës. Kanë mjaftuar këto pamje për ta çuar grupin hetimor drejt zbulimit të identitetit përmes targës së automjetit.

Nga veprimet hetimore rezulton se Hasanaj është banor i pallatit ku kamerat e sigurisë e kanë fiksuar natën e së hënës duke hyrë e dalë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern