LIGJET E BIZNESIT
Një 31 vjeçar është gjobitur me 7.000 paund në Mbretërinë e Bashkuar pasi nuk ka respektuar rregullat e karantinës. Ai ka dalë të pijë cigare në hollin e hotelit, i shoqëruar nga fëmijët, ndërkohë që gruaja ndodhej e izoluar në dhomë pasi kishte testuar pozitive.
Umer Draz, u ndoq penalisht për shkelje të kufizimeve të udhëtimit pasi shkoi në Mbretërinë e Bashkuar nga vendet në listë të kuqe. Burri supozohej të izolohej në një dhomë në hotelin Leonardo, pranë aeroportit Heathrow, me gruan dhe fëmijët e tij pasi fluturuan nga Pakistani më 19 prill të vitit të kaluar.
Në fillim, stafi e shoqëronte jashtë për të pirë një cigare, siç është shpesh politika në hotelet e karantinës. Por më pas gruaja e Draz rezultoi pozitive për koronavirus më 21 prill dhe punonjësit e hotelit mendonin se ishte e rrezikshme të kishin ndonjë kontakt me të.
Pavarësisht kësaj, Draz vazhdoi të dilte nga dhoma e tij për të pirë duhan, duke marrë shpesh fëmijët me vete për të marrë pak ajër. Stafi thirri policinë më 23 prill dhe oficerja Danielle Scott shkoi të fliste me babain nga dera e dhomës së tij.
“Unë shpjegova gjatë të paktën një periudhe 20-minutëshe se sa e rëndësishme ishte të izolohej dhe se si ai po i rrezikonte të gjithë duke lënë dhomën për të pirë duhan dhe për të argëtuar fëmijët e tij të vegjël.
Umer Draz dhe gruaja e tij ishin më të interesuar për të marrë një dhomë më të madhe për familjen e tyre, të cilën unë u përpoqa ta strehoja, por hoteli ishte plot në atë kohë dhe stafi nuk mund ta siguronte këtë me kërkesën e tyre.”, ka thënë oficerja në gjykatë.
31 vjeçari nuk pranoi asnjë faj dhe u gjobit me 7.000 paund dhe u urdhërua të paguante 290 paund kosto gjyqësore më 5 janar./Newsbomb/
